Хөрөнгө балансаас балансад шилжүүлэх тухай

НИЙСЛЭЛИЙН
ИРГЭДИЙН ТӨЛӨӨЛӨГЧДИЙН ХУРЛЫН
ТЭРГҮҮЛЭГЧДИЙН ТОГТООЛ

 
2020 оны 11 сарын 06              Дугаар 04                               Улаанбаатар хот

 
Хөрөнгө балансаас балансад
 шилжүүлэх тухай

 
 
     Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 18 дугаар зүйлийн 18.1.3.”л”, 19 дүгээр зүйлийн 19.1 дэх хэсэг, 25 дугаар зүйлийн 25.1 дэх хэсэг, Төрийн болон орон нутгийн өмчийн тухай хуулийн 77 дугаар зүйлийн 77.3 дахь хэсэг, Нийслэлийн иргэдийн Төлөөлөгчдийн Хурлын Тэргүүлэгчдийн 2014 оны 66 дугаар тогтоолоор батлагдсан “Нийслэлийн өмчит хуулийн этгээдийн эд хөрөнгийн хөдөлгөөн, түүнтэй холбогдох бусад харилцааг зохицуулах журам”-ын 5 дугаар зүйлийн 5.2 дахь хэсэг, Нийслэлийн Засаг даргын 2020 оны 02-01/5965 дугаар албан бичгээр өргөн мэдүүлсэн саналыг тус тус үндэслэн Нийслэлийн иргэдийн Төлөөлөгчдийн Хурлын Тэргүүлэгчдээс    ТОГТООХ нь:
 
      1.Баянзүрх дүүргийн Засаг даргын Тамгын газрын балансад бүртгэлтэй 43,676,441.28 /дөчин гурван сая зургаан зуун далан зургаан мянга дөрвөн зуун дөчин нэгэн төгрөг хорин найман мөнгө/ төгрөгийн барилга, тус дүүргийн Цагдаагийн хэлтсийн балансад бүртгэлтэй 11,995,200 /арван нэгэн сая есөн зуун ерэн таван мянга хоёр зуу/ төгрөгийн бүртгэлийн үнэ бүхий хавсралтад дурдсан барилга байгууламжуудыг дүүргийн 167 дугаар цэцэрлэгийн балансад шилжүүлэхийг Нийслэлийн Засаг дарга бөгөөд Улаанбаатар хотын Захирагч /Д.Сумъяабазар/-д зөвшөөрсүгэй.
 
      2.Тогтоолын хэрэгжилтэд хяналт тавьж ажиллахыг Нийслэлийн иргэдийн Төлөөлөгчдийн Хурлын Тэргүүлэгчдийн нарийн бичгийн дарга бөгөөд Ажлын албаны дарга  /Б.Батбямба/-д даалгасугай.
 
 
 
 
 

ДАРГА                                       Ж.БАТБАЯСГАЛАН